CEBU, Philippines - Gitaupan sa kutsilyo ang tiyan sa usa ka Guest Relation Officer (G.R.O.) nga babaye human kini dunggaba sa kauban ra usab niyang GRO sa Club 7 Family KTV Bar sa sitio Matumbo, barangay Pusok, dakbayan sa Lapulapu sa miaging gabii.
Ang biktima mao si Roselyn Quibido, 22, dalaga nga taga Matumbo, samtang ang miluba kaniya mao si Shelalane Layon, 22, nga taga dakbayan sa Mandaue.
Si PO3 Candido Baringue sa Lapulapu City Police Office mibutayg sa Banat News nga naglalis ang duha sa sulod sa KTV bar nga ilang gitrabahoan.
Midugang si PO3 Baringue nga mipauli ang suspetsado sa ilang balay apan mibalik kini nga nagdala na og kutsilyo ug gidunggab ang tiyan sa biktima.
Gihatod dayon ang biktima ngadto sa Lapulapu City District Hospital samtang ang suspek gipangita pa karon sa kapolisan human kini makaikyas. - Romeo T. Limpangog (BANAT NEWS)