Elementary schools luwas pa sa A(H1N1)

CEBU, Philippines – Pabiling luwas og wala pay bisan usa ka kaso sa Influenza A(H1N1) virus ang nakasulod sa mga tinun-an sa elementarya ug sekondarya dinhi sa tibuok Central Visayas sumala pa sa regional director sa Department of Education (Dep-Ed)-7 nga si Recarido Borgonia.

Kini taliwa niining padayung pagsaka sa gidaghanon nga nataptan sa maong virus, ang DepEd-7 subsob sa ilang pagtudlo sa kalimpyo sa panglawas aron dili matakboyan sa maong virus.

Iyang gitataw nga gikinahanglan gyud mahibaloan sa mga tinun-an kun unsay epekto niining maong sakit ngadto sa tawo aron ang mga kabatan-onan makat-on.

Ang Department of Health bag-uhay lang miusab sa ilang pagtratar sa hulga sa maong sakit gikan sa makamatay ngadto na sa ordinaryong flu virus tungod kay bisan dali ang pagkatap niini dali ra usab kining tambalan. – Rey Pasaporte (BANAT NEWS)