BIN ipasagop sa ubang dapit

CEBU, Philippines – Gikatakdang mosuroy sa nagkadaiyang police station sa kalungsoran ug mga dakbayan si Sr. Supt. Jesus Gacquing, hepe sa kapulisan sa probinsya sa Sugbu karong pipila ka mga adlaw.

Kini aron iyang   masusi ang tanang mga police station sa kalungsoran human sa nahitabong pagpamoga sa mga piniriso didto sa dakbayan sa Danao ug sa lungsod sa Ronda.

Gusto ni Gacquing nga masayran niya ang ilang mga panginahanglan aron dili na mausab ang mga panghitabo.

Matud pa ni Gacquing nga bisan responsibilidad sa Bureau of Jail Management and Penology (BJMP) ang pag-atiman sa mga gubaong prisohan, apan maayo nalang sil-ingon usab niya kini aron katabangan ang BJMP sa ilang obligasyon.

Nakapuga ang usa ka menor de edad nga piniriso sa bilanggoan sa Danao dihang ang guwardiyang polis niini, puwerti kunong lingawa og tan-aw sa salida sa telebisyon samtang ang sa Ronda puwerte usab kunong hagoka og kinatulog sa guwardiya sa prisohan hinungdan nga nakaeskapo ang usa ka piniriso. – Guam P. Logroño (BANAT NEWS)