DOH suporta ni Binghay

CEBU, Philippines – Gisuportahan ni Department of Health kon DOH-7 regional director Susana Madarieta ang pamahayag ni Episcopal Vicar Msgr. Esteban Binghay nga dili na kinahanglang suspensohon ang mga selebrasyon sa Santos nga Misa dinhi sa Sugbu tungod lang sa kahadlok nga mokuyanap ang Influenza A(H1N1) virus.

Matud pa ni Madarieta nga dinhi sa Sugbu dili kaayo seryoso ang hulga sa maong sakit kini bisan paman duna nay kumpirmadong may mga estudyante sa University of Cebu Lapu-lapu-Mandaue campus.Gitataw ni Madarieta nga sakto ang gipagawas nga pagpaalarma ni Presidente Gloria Macapagal Arroyo sa maong sakit, apan ning panahuna base sa pamahayag ni DOH Sec. Francisco Duque wala nay mahimo pa ang pag-quarantine sa mga gipanghilantan.

Gitataw ni Madarieta nga paspas man tuod ang pagtakod sa maong sakit nahibaw-an dayon usab nga paspas ra usab ang recovery sa pasyente ug sa kasayon pagpatay sa maong kagaw.

Gisuportahan usab ni Madarieta ang panawagan ni Msgr. Binghay sa publiko nga may hilanat, ubo-ubo ug pagkaluya nga dili lang una patambungon sa misa.

Ang dunay susamang mga gipamati sa lawas matud pang Madarieta kinahanglan lang nga mopahulay ug moinom og daghang fluids, motumar og paracetamol ug vitamins. – BANAT NEWS