Tanod gipusil patay

CEBU, Philippines - Patay diha-diha ang usa kanhi ka barangay tanod human dunggaba makatulo ka higayon sa wala hiilhing mamumuno samtang mitambong og disko didto sa Sitio Nangka, barangay Mayana ,lungsod sa Barili kagahapn sa kaadlawon.

Si SPO4 Andres Alpas sa Barili Police Station miila sa biktima nga si Rufino Mangyao, 58, usa ka kanhi tanod, ug mag-uuma sa Mayana.

Matud pa ni SPO4 Alpas nga samtang nalingaw ang mga nanisko sa kinidlap sa nagkalain-laing kolor sa sugang dagitabnon uban sa makapakiat nga tukar sa disko, kalit lang mikuyanap ang hugyaw sa mga siyagit ug kaguliyang nga nakapa-ungkag sa sinayaway dihang may milagubo ug miligid nga tawo sa sulod sa diskohan.

Dihang gisusi sa mga barangay opisyal ug mga tanod sa nahisgutang dapit, nailhan nila ang biktimang si Mangyao kinsa may tulo ka dagkung samad dinunggaban sa iyang dughan.

Nagtuo ang kapulisan nga adunay gikaaway ang biktima diha sa maong lugar ug mao kini ilang gisuta karon. – BANAT NEWS