Ruiz wa pay bise mayor

CEBU, Philippines - Wala pa ibutyag ni Kongresista Nerissa Solon Ruiz kun kinsay mahimong kandidato pagkabise mayor niya karong umaabot nga election sa tuig 2010.

Kini human niya iduso si Bise Mayor Carlo Fortuna nga himoong kandidato pagka -Kongresista sa ika-unom nga distrito sa lalawigan sa Sugbo sa umaabot nga piniliay.

Si Ruiz anaa na sa katapusan niyang termino isip Representante sa ika-unom nga distrito ngadto sa Kongreso.

Ang plano niya mao ang paglansar sa pagka-mayor sa dakbayan sa Mandaue sa umaabot nga piniliay apan wala pa niya ibutyag sa publiko kung kinsay iyang himoong bise mayor. – BANAT NEWS