Patay'ng lalaki gianod sa suba

CEBU, Philippines – Usa ka patay’ng lawas sa wala pa mailhing lalaki ang napalgan sa Butuanon River sa Ibabao Estancia, dakbayan sa Mandaue kagahapon sa hapon.

Atol ning pagsulat sa balita wala pay impormasyon ang kapolisan kun si kinsa ang maong lalaki nga giingong natipon sa mga gapnod ug basura diha sa maong suba.

Matud pang PO1 Martin Auman sa Mandaue City Police Office (MCPO) usa ka concerned citizen ang nakakita sa patay'ng lawas nga gihulagway nga kasarangan ang gidak-on ug pamarog sa panglawas.

Giugkat sa mga sakop sa kapolisan ang maong patay’ng lawas ug gipahiluna kini sa usa ka punerarya samtang padayon pang gisusi pagsuta kun may fould play sa kamatayon niini. – Romeo Limpangog (BANAT NEWS)