Liboang senior citizen sa Mandaue may P500

CEBU, Philippines – Mga senior citizen sa dakbayan sa Mandaue giapuran og P500 gikan sa pundong gihatag ni Presidente Gloria Macapagal Arroyo gikan sa Katas sa VAT nga natigom sa nasudnong kagamhanan.

Si 6th District Representative Nerissa Soon-Ruiz ug Mayor Jonas Cortes maoy nangapod niini sa liboan ka mga senior citizens gikan sa 27 ka mga chapters sa usa ka ceremonial turnover ceremony kagahapon sa buntag sa Mandaue City Sports and Cultural Complex sa Tribunal Centro sa maong dakbayan.

Si Bise Mayor Pontico Carlo Fortuna maoy nangulo sa mga sakop sa konseho sa pagsaksi sa maong kalihukan, si Kapitan Glenn Bercede sa barangay Banilad mao usab ang nangulo sa mga kapitan sa pagtambong niini.

Si Konsehal Emiliano Rosal nga nahinabi sa Banat News nagkanayon nga duna pay laing mga kaayuhan nga madawat ang mga senior citizen kun mahingpit na ang ordinansa alang kanila nga ila nang gipanday. – Romeo Limpangog (BANAT NEWS)