Nanisko gikulata gipusposan gipusil

CEBU, Philippines - Kumo, bunal ug bala maoy nahiagoman sa usa ka   28- anyos nga lalaki nga nanisko atol sa piyesta didto sa Sitio San Antonio, barangay Jubay lungsod sa Liloan kagahapon sa alas 4:00 sa kaadlawon.

Ang biktima mao si Arnel Baliguat Noval, 28, ulitawo, nga taga   Sitio Tuburan barangay Jubay sa maong lungsod samtang ang suspek mao si Manuel Calo Nebrija Jr, 44, nga taga Poblacion, lungsod sa Compostela.

Si SPO1 Ricardo Enriquez sa Liloan Police Station mibutyag sa Banat News nga ang biktima kauban sa iyang igsoon nga babaye nga wala makuha ang ngalan misayaw sa diskohan niadtong higayona.

Samtang nag-sayaw-sayaw, nakakita og lalis ang biktima sa usa ka lalaki nga mibugal- bugal sa iyang igsoon ug misangpot kini sa ilang pagsinukmagay.

Apan dunay laing suspek nga milaban sa kontra sa biktima kinsa mibunal og dos por dos kaniya hinungdan nga milagubo sa kusog nga hampak ang iyang bukobuko.

Unya gisundan kini sa buto sa armas de fuego, diin ang bala niini didto gihapon tugpa sa bukobuko sa biktima. – BANAT NEWS