Task Force Sand and Gravel gi-alerto

CEBU, Philippines – Gimandoan ni Gobernador Gwendolyn Garcia ang Task Force Sand and Gravel nga pahugtan pa ang monitoring ug paggukod sa mga ilegal nga nangubkob diha sa dakbayan sa Talisay ug ubang bahin sa lalawigan.

Ang kamanduan ni Garcia gibase sa nadawat nga report gikan ni Provincial Treasurer Roy Salubre nga nag-ingong tumbok nga naghitak na usab ang illegal nga pagpangubkob sa Mananga River sa dakbayan sa Talisay.

Kini human usab nasakmit sa Task Force Sand and Gravel ang 25 ka mga trak de karga nga puno sa balas ug graba gikan sa Mananga ug lungsod sa Compostela.

Si Salubre nga maoy nangulo sa Task Force Sand and Gravel gikuyogan sa Provincial Environment and Natural Resource Office kon PENRO, Capitol, DENR ug NBI sa maong tahas. - Chester Abadilla (BANAT NEWS)