Pag-criminalized sa taxi meter tampering suportado

CEBU, Philippines – Gisuportahan ni Cebu City Councilor Arsenio Pacaña ang balaudnon sa kongreso nga mag-criminalize sa pag-tamper sa mga metrohan sa taxi.

Kini tungod usab sa mga reklamong nadawat sa konsehal gikan   mismo sa mga taxi-riding commuters dinhi sa dakbayan nga ang ubang taximeter gitauran og accelerating device gamit ang gamay nga magnet, electronic o hand-held control device, aron kini kusog nga mopatak.

Lakip usab sa mga reklamo nga nadawat ni Pacaña mao ang pagdumili sa mga taxi driver pagpasakay sa mga pasahero kung gamiton ang metrohan.

Giingong mas gusto sa ubang mga taxi driver nga sabot-sabotan lang ang pletihan ilabi na niadtong mga pasahero nga gikan sa tugpahanan sa Mactan ug pier aron dako og maganansya.

Kini gihulagway sa konsehal nga usa ka matang sa pagpahimulos ngadto sa mga pasahero nga angayang mahatagan usab og kinutuban.

Nagtuo si Pacaña nga pinaagi sa paghimong krimen sa paglubag sa taximeter, magduha-duha na unya ang mapahimuslanong mga driver sa ilang illegal practices. - Elly Bolonos (BANAT NEWS)