Batan-on giluba sa diskohan

CEBU, Philippines - Patay na nga nahidangat sa tambalanan ang usa ka batan-on nga mitambong og disco sa sitio Sealion “Pansang,” barangay Inayawan pasado alas dos kagahapon sa buntag.

Si Rudy Macan, 25, molupyo sa sitio Cactus, barangay Inayawan nakaangkon og duha ka samad dinunggaban   human kini dunggaba sa usa ka Winson Endad Sungahid, 26.

Sa pasiunang imbestigasyon sa kapolisan nasayran nga ang biktima milaag sa nahisgutang lugar kini aron motambong og disco.

Apan wala lang damha nga kalit lang nga adunay komosyon nga nahitabo sulod sa diskohan og mao nalay nabantayan sa mga higala sa biktima nga giduslak ni Sungahid si Macan hinungdan nga ila kini nga gitabang.

Apan ang suspetsado nga idlas kaayo dali kining nakadagan palayo sa nahisgutang lugar. Ang biktima nakaangkon og samad dinunggaban sa iyang wala nga bahin sa dughan ug paa.

Ang mga higala sa biktima misuway unta kini sa pagdala sa CEbu City Medical Center apan gideklarar kini nga Dead On Arrival sa doctor.

Samtang ang kapolisan nagpakisayod pa kun unsay motibo sa pagpanunggab gisusi karon nga fraternity related o personal nga panagbangi ang motibo. – BANAT NEWS