Marijuana pusher tiklo

CEBU, Philippines – Gidakop sa kapolisan ang usa ka batan-ong lalaki human masakmiti og 16 ka linikit nga Marijuana sa miaging gabii sa sitio Cawananan, barangay Gun-ob, dakbayan sa Lapulapu.

Ang suspetsado mao si Reneboy Tampus, 21, nagpuyo sa maong dapit kinsa naatlan nila ni PO1 John Yballe sa Task Force Motorcycle nga nagpatrolya sa maong lugar.

Si   PO1 Yballe ug mga kauban nakabantay ni Tampus nga naglakaw sa maong lugar ug kadudahan ang linihokan hinungdan nga ilaha kining gihunungan ug girekisa.

Nakuha diha sa iyang posesyon ang nahisgutang Marijuana hinungdan sa pagkasikop niini. - Romeo Limpangog (BANAT NEWS)