Kapitolyo manghatag school supply

CEBU, Philippines – Mang-apod-apod ang Kapitolyo og mga school supplies sa mga kabataan sa barangay Umapad dakbayan sa Mandaue nga biktima sa sunog duha ka semana na ang nakalabay.

Si Governor Gwendolyn Garcia mimando ni Provincial Treasurer office, General Services Office ug Provincial Social Welfare office aron matabangan ang mga nasunugan.

Ang gobernadora nga naandan nang manghatag og mga school supplies sa mga tinun-an sa elementarya sa tibuok probinsiya sa Sugbu ning panahuna buot nga unahon ang mga taga barangay Umapad dakbayan sa Manadue.

Ipanghatag sa Capitol officials nga mga school supplies gilangkoban sa mga bag, note books, papel, lapis ug ballpen, krayola ug uban pa alang sa mga estudyante sa elementarya ug high school nga naka-enroll karong tuiga. - Chester Abadilla (BANAT NEWS)