Maui nangayo'g lugway sa tubag

CEBU, Philippines – Nangayo og 20 ka adlaw nga lugway ang abogado sa sexy star nga si Maui Taylor pagtubag sa kasong kriminal nga gipasaka ni Gobernador Gwendolyn Garcia batok sa aktres, laing kauban ug duha ka organizer gikan sa Manila ug organizers sa bikini shows niadtong Semana Santa didto sa lungsod sa Sta. Fe.

Rason sa abogado sa actress mao ang ka-bise ug kadaghan sa mga schedule sa ilang kliyente.

Apan si Atty. Katrina Bote-Veguillas Asuncion sa Bote-Veguillas Mata Carino Law Offices sa Manila miklaro nga ang mosyon sa ilang kliyente dili paglangaylangay.

“Due to the pressure brought about by the heavy work load of the undersigned counsel, which consists of almost daily courts hearings and voluminous pleadings drafted equally important cases…respondent will not be able to file her counter-affidavit in due time,” matud pa sa motion for extention.

Si Taylor, kang kansang tinuod nga ngalan mao si Maureen Ann Faisan, laing sexy star nga si Jennifer Lee, model Paolo Paraiso ug Eugene Elton Tiu, Asuncion Celia Floro, Rommel Solomon ug Mercury Gumera, maoy mga organizers ug choreographer sa Pump ‘N Summer event gipasakaan og kaso sa gobernadora tungod sa kalapasan sa Provincial Ordinance 2005-18 (Women Development Code of Cebu Province). - Rey Pasaporte (BANAT NEWS)