Naghikog kay way trabaho

CEBU, Philippines - Gumikan sa kawalay trabaho, usa ka 33-anyos nga lalaki ang naghikog didto sa barangay Daan Tabogon, lungsod sa Tabogon sa miaging hapon.

Ang nanamatay pinaagi sa gihikot nga wire sa iyang liog mao si Rodito Comedido, 33, minyo, nga taga Daan Tabogon.

Ang pamilya sa naghikog misumbong sa kapolisan nga ang kawalay trabaho ni Comedido maoy nagul-an niini hinungdan nga naghunos nalang sa iyang kinabuhi.

Dihang nakita kini sa iyang kabanay, nagluhod kini nga hiniktan sa tumoy sa usa ka wire ang liog samtang ang pikas tumoy didto igaid sa sagunting sa ilang balay.

Nasuta sa kapolisan nga walay ‘foul play’ ang kamatayon ni Comedido. - Guam P. Logroño