CEBU, Philippines – Pormal nang gipirmahan ni Gobernador Gwendolyn Garcia uban sa tulo ka mayor sa Naga, Bogo ug Carcar ang manifesto nga di una pahilabtan ang IRA share karong tuiga aron ilang ipaabot ngadto kang presidente Gloria Macapagal Arroyo.
Tumong sa maong manifesto nga dili sila mohimog legal nga lakang aron supakon ang desisyon sa Korte Suprema nga ibalik pagkalungsod ang 16 nga nahimong siyudad lukop nasud lakip na niini ang Carcar, Bogo ug Naga kundili aron hangyuon si Presidente Arroyo nga ilang madawat ang ilang Internal Revenue Allotment (IRA) hangtud matapos ning tuiga bisan kun gibalik sa pagkalungsod ang ilang lugar. “The reversion then of said Cities into Municipalities, as declared by the Supreme Court in its said decision, would certainly affect not only their organization set-up but, more importantly, the delivery of basic services to their respective constituents,” matud pa sa kabahin sa unod sa manifesto nga gipirmahan kagahapon.
Ang ningpirma sa manifesto mao si Garcia, Mayor Celestino“Junie” Martinez sa Bogo, Mayor Valdemar Chiong sa Naga ug Mayor Patricio Barcenas sa Carcar.
Lakip sa nipirma mao sila si board member Juan Bolo, Julian Daan sa unang distrito, Joven Mondigo Jr., Jose Maria Gastardo sa ikaupat nga distrito DILG-7 regional director Pedro Noval Jr. CSC-7 regional director Judith Chicano ug Carmela Fernan, regional director sa Department of Budget and Management (DBM).
“We are really very grateful and also the Congressman, like congressman Eduardo Gullas who have also help us a lot and then dugay nani sa among dughan ug karun napaguwa lang ni sa maong sentimento tungod sad sa tabang ni governor Garcia, so gob, daghang salamat,” padayag pang mayor Chiong.
Dako kaayo ni og tabang namo sa city hall, so gob, daghan kaayong salamat nimo, matud pang Barcenas.
Si Martinez sa iyang bahin nipadayag og dakong kalipay sa gihimo sa gobernador ang pagtabang kanila bisan ug kaniadto nagkaatbang sila sa milabayng piniliay. Kinsa midugang nga walay bulok pamolitika ang gihimo sa gobernador.
“Angay gyud ni panaminan sa league of cities when governor losses a lot sa real properties here, wala gyud magdumili si governor pagtabang namo sa among pagka siyudad, gani dako og nawala ang probinsya nga na-siyudad mi, this unselfish effort of the governor, nga angay namong tan-awon gob, daghang salamat,” dugang padayag ni Chiong. Si Garcia sa iyang bahin nitataw nga walay laing makasulbad niining maong problema karun sa 16 ka siyudad lakip na ang Bogo, Carcar ug Naga kundili mismo ang presidente
“We are giving clear direction on the way to go, taking into consideration that mechanics of government and how government works. We are simply stating that without prejudice to any further legal action that our three LGUs will take and the rest of the other affected LGUs that destroyment of uncertainty must be resolve by the proper agencies thru the president herself, ” matud pa ni Garcia.
Gipasalamatan usab ni Garcia ang tulo ka mayors ug ubang mga opisyal sa ahensya sa gobiyerno. - Rey Pasaporte (BANAT NEWS)