CEBU, Philippines – Nahabwa ang tinai sa duha ka tawo human sila panunggaba sa usa ka ulitawong namisita sa hinigugma niini didto sa Sitio Alangasin barangay Madredijos lungsod sa Alegria niadtong Martes sa gabii.
Ang mga biktima mao sila si Mateo Decada Lobreno, 20, ug Melard James Guisadio, 23, mga pulos ulitawo ug taga Alangasin.
Samtang ang suspek mao si Romy Capablanca, 19, nga taga sitio Balhaan , Alangasin.
Si SPO3 Faustino Filipinas sa Alegria Police Station mibutyag sa Banat News nga samtang ang suspetsado namisita sa iyang hinigugma sa maong lugar, nasuya ang mga biktima ug gikulata niini ang iyang (suspek) kauban, lakip usab siya.
Aron mapanalipdan ang iyang kaugalingon gipangluba niya ang duha hinungdan nga nahabwa ang mga tinai niini.
Hinuon nalibre ang mga biktima kay nadali kini og hatod sa tambalanan samtang ang suspek nagtingkagol na sa prisohan. - Darrel A. Carumba (BANAT NEWS)