Durano maoy hepe sa CLIP

CEBU, Philippines – Gitahasan ni Presidente Gloria Macapagal Arroyo si Kalihim Joseph Ace Durano sa Department of Tourism (DOT) nga maoy piyalan sa Comprehensive Livelihood Emergency Program (CLIP).

Ang hinungdan sa pagpiyal sa Pamuno nasud kang Durano sa maong katungdanan mao ang iyang pagka Sugboanon ug ang Sugbo maoy sentro sa turismo sa nasud.

Usa sa mga programa sa CLIP,mao ang paghatag og proteksyon sa mga trabahante sa nasud.

Gibutyag ni Durano nga dinhi sa Sugbu mokabat ngadto sa 6 mil ka trabahante ang nangataktak gikan mga pabrika sa muwebles.

Miingon si Durano nga anhi niya ibuga ang tanan niyang abilidad aron masalbar ang kaliboan ka mga trabahante nga nawad-an og trabaho. - Rey Pasaporte (BANAT NEWS)