P500 mil nga alahas gikawat sa Talisay

CEBU, Philippines – Mikapin sa tunga sa milyon ka pesos ang kantidad sa mga alahas nga nadala sa wala hiilhing kawatan gikan sa usa ka balay sa Alpha Executive Homes, barangay Tabunok, dakbayan sa Talisay, niadtong Lunes sa buntag.

Ang mga biktima mao sila si Troy Mejeca, 42, ug ang kapuyo niining si Ester Vegas, 40, sa Alpha Homes..

Nasayran gikan sa kapolisan nga bisi sa ilang negosyo ang mga biktima busa gibiyaan nila ang ilang balay ug sa pagpauli nila niadtong Lunes, nawagtang na ang tulo ka kwentas nga diamond nga balig P75 mil, duha ka bracelet nga diamond ug Italian Bulgaria nga nagkantidad tanan og P125 mil, lima ka singsing nga platinum diamond, Italian diamond, gold ug dunay bato nga sapphire nga mikabat ang tanan og P155 mil, lima ka ariyos nga mikabat ang tanan og P115 mil, duha ka relo de pulso nga mikantidad ang tanan og P80 mil, salapi nga P112 mil, tseke, credit cards, cellphone cards ug cellphone. - Brenda D. Batuto (BANAT NEWS)