P100 mil nga appliance gikawat sa Basak
CEBU, Philippines – Dul-an P100 mil ang balor sa mga butang nga nawagtang gikan sa usa ka panimalay nga gilungkab diha sa barangay Basak –San Nicolas ning dakbayan sa Sugbo sa miaging adlaw.
Ang biktima mao si Editha Magsayo, hingkod, ang piniyalan nga gipabantay sa balay sa iyang igsoon nga si Janeta Camilo kinsa tua karon sa gawas sa nasud.
Matud pa ni Magsayo nga gilungkab ang balay sa iyang igsuon sa wala hiilhing kawatan samtang didto siya sa barangay Sudlon ug gibiyaan niya ang balay nga walay nagbantay.
Ang nawagtang mao ang usa ka DVD player nga imported, duha ka mga cellular phones, videocam, transformer, rice cooker, camera ug camcorder nga mobalor ang tanan og P99,000
Gipangita pa sa kapolisan ang kawatan. - Lovers Lyn Yangyang (BANAT NEWS)
- Latest
- Trending
