Duha gidunggab angol

CEBU, Philippines – Naangol ang duha ka lalaki dihang gipanunggab kini sa ilang mga kainom sa nagkalainlaing lugar ning dakbayan sa Sugbo kagahapon.

Ang mga biktima mao si Robin Barnaba Millioneda, 28, taga Carlock barangay Duljo Fatima, ug si Exodus Echavez, 29, taga barangay Guadalupe.

Ang mga suspek mao sila si Arnel Castro nga maoy miluba kang Millioneda ug Jovanni Lavishe, ang midunggab usab kang Echavez.

Nasayran nga nag-inom ang mga suspek ug ang mga biktima dihang pagkalasbag na nag-unay nalang og away nga misangpot sa pagpanunggab.

Gihatod dayon sa tambalanan ang mga biktima samtang ang mga suspek gipangita pa sa kapolisan. - Lesley Caminade (BANAT NEWS)