1 sa 2 ka tulisan nadakpan

CEBU, Philippines – Nadakpan ang usa sa duha ka mga suspek nga mitulis sa usa ka dalaga sa may A. Lopez Street, barangay Labangon, kagahapon sa buntag.

Ang nadakpan mao si Emelio Pacheco, 21, ulitawo, usa ka ex-convict nga taga barangay Calamba , dakbayan sa Sugbo.

Samtang ang iyang kauban nakaipsot ug wala hisakpi sa kapolisan.

Ang biktima mao si Cherry Tanilon, 26, taga A. Lopez ug Marketing Researcher sa usa ka Call Center dinhi sa dakbayan kinsa nakuhaan og P4,000 , cellphone, ug mga importanting butang.

Ang biktima mao pay pagkanaog sa PUJ dihang gi-deretso siya pagli-ab sa suspetsado uban sa pagtion kaniya og armas de fuego.

Gumikan sa kalisang nga patyon siya gihatag nalang niya ang iyang bag diin didto ang mga butang nga gisakiyo sa mga tulisan

Dali hinuong nasayran sa taga Mobile Patrol Group (MPG) hinungdan nga nahitabo dayon ang ginukdanay batok sa mga suspek apan una hidakpi, gidala pag-apil sa usa ka suspek ang usa ka minor de edad nga maoy mitipig sa bag sa biktima ug ingon man sa armas nga gigamit sa mga tulisan nga gibilin didto sa ilang panimalay.

Hinuon ang dinakpan nga si Pacheco nitataw nga wala gyu’y labot sa pagpanulis ang minor de edad. - Guam Logronio (BANAT NEWS)