Gisumbag, gipusposan ug giluba kritikal

CEBU, Philippines - Anaa sa talandugong kahimtang ang usa ka lalaki dihang gikulata kini, gipusposan ug gidunggab didto sa usa ka diskohan sa dalan M. Velez, barangay Capitol site kagahapon sa kaadlawon.

Ang biktima mao si Reden Flores Batiancela,18, ulitawo, nga taga sitio Bas barangay Capitol site samtang ang mga suspetsado nailhan lang nga Ninio ug Budlat.

Ang biktima mitug-an sa kapolisan nga si Ninio maoy misumbag kaniya ug si Budlat maoy mipuspos og tubo ug wala pa matagbaw giluba sa iyang kutsilyo ang tiyan sa biktima.

Gihatod dayon ngadto sa Cebu City Medical Center ang biktima samtang ang mga suspetsado gipangita pa karon sa kapolisan. – BANAT NEWS