CEBU, Philippines - Usa ka puya nga giputos og plastik gilubong sa wala hiilhing lalaki didto sa Plaza Independencia sa miaging gabii.
Ang nakabantay sa maong paglubong mao ang nagpailang “Willie” usa ka trabahante sa Kajima Construction kinsa maoy nakakita sa lalaking nagkawot sa yuta ug milubong sa puya.
Human tabuni sa yuta, milakaw ang maong tawo, samtang si Willie mitaho dayon ngadto sa tulo ka barangay tanod nga nag-duty sa Plaza sa maong higayon.
Dihang gikawot sa mga tanod ug giablihan ang plastic bag, nakita nila ang puya nga may usa ka papel nga gisuwatan nga nangayo og pasaylo sa iyang gibuhat.
Gilubong sa punerarya ang maong puya samtang padayon pang gipangita sa kapolisan ang tawo nga milabay sa maong puya. – BANAT NEWS