Nagdala'g shabu tiklo

CEBU, Philippines – Usa ka 25-anyos nga lalaki ang nagtingkagol sa Talisay City detention cell human masakmite og tulo ka paketeng shabu sa kapolisan didto sa barangay Cansojong, dakbayan sa Talisay sa miaging adlaw.

Ang suspetsado mao si Lloyd Obrero, hingkod, nga taga barangay Tangke, dakbayan sa Talisay.

Sila si PO2 Narciso Alforque, PO2 Alan Villazurda, PO2 Roy Lofranco ug PO2 Erwin Carbonquillo sa Talisay City Police Station maoy miresponde sa alarma bahin sa ‘pot session’ sulod sa usa ka balay sa Cansojong.

Naabtan nila si Obrero nga nag-inusara nga may giluklok nga shabu sa bulsa, kay gibiyaan sa iyang mga kauban kinsa makaratel og panagan pagkahibawo nga may mga polis.

Kasong paglapas sa Akta Republika 9165 kon “Comprehensive Dangerous Drugs Act Law” ang ipasaka sa mga polis batok sa maong suspek. - Brenda D. Batuto (BANAT NEWS)