Vendors sa P. Lopez demolison

CEBU, Philippines – Hawanan na sa Squatters Prevention Encroachment and Elimination Division (SPEED) ang dalan P. Lopez ning siyudad sa Sugbu gikan sa mga sidewalk vendors karong Lunes.

Kini maoy gipahibawo sa hepe sa SPEED nga si Vicente Mercado subay usab sa kamanduan ni mayor-on-leave Tomas Osmeña nga pahawanan gyud kini.

Si Osmeña personal nga nakasinati og paghuot sa mga sakyanan diha sa dalan P. Lopez tungod sa mga manindahay.

Usa ka buwan ang gihatag sa mayor nga tagal ngadto sa mga sidewalk vendors alang sa boluntaryong pagpahawa sa ilang pwesto apan napupos na kini niadtong adlaw’ng Huwebes.

Labing minos 16 ka mga manindahay ang maapektahan sa maong demolisyon karong umaabot nga adlaw’ng Lunes. - Elly Bolonos (BANAT NEWS)