Processed meat gikan sa gawas sa nasud kumpiskahon

CEBU, Philippines – Gihugtan sa mga sakop sa Bureau of Customs Sub-Port of Mactan ang pagpaniid sa mga processed meat gikan sa gawas sa nasud nga moabot dinhi sa Sugbu agi sa MCIA gumikan sa kabalakang kontaminado kini sa Human Swine Flu Virus nga miigo sa nasud sa Mexico.

 Matud pa ni Customs Intelligence and Investigation Services kon CIIS Mactan Team Leader Julius Galang dili lang mga pasahero karon ang ilang gibantayan kundili lakip na mga processed meat gikan sa gawas sa nasud.

Samtang kadtong mga pasaherong magdala og susamang produkto ila kining ipahibalo sa mga sakop sa Bureau of Quarantine aron kumpiskahon.

Matud pa ni Galang, gumikan sa estado sa mga makatakod nga sakit nga gipaubos na sa alert level 4 sa Department of Health wala na sila maghulat pa sa mando gikan sa ilang mga labaw ug si Customs Sub-Port of Mactan Collector Rene Benavides nga mohatag og ‘go signal’ pag-monitor sa maong mga karne nga moagi sa tugpahanan sa MCIA. - Bong Soriano (BANAT NEWS)