PGMA mibukas sa Cathedral 'marker'

CEBU, Philippines – Si Presidente Gloria Macapagal Arroyo maoy nanguna kagahapon sa pagbukas sa usa ka ‘ marker’ nga gitarok atubangan sa Cebu Metropolitan Cathedral agig paghandom sa labing karaang simbahan sa Sugbo.

Kauban ang pamuno nasud ni Arsobispo Ricardo Cardinal Vidal sa Sugbo, Arsobispo Gaudencio Cardinal Rosales sa Manila, Papal Nuncio Edward Joseph Adams, ug Msgr. Roberto Alesna sa pagsulod ngadto sa Holy Door sa Cathedral.

Kauban usab ang Pamuno nasud sa usa ka High Mass nga gidumala ni Arsobispo Vidal, Arsobispo Rosales, Papal Nuncio Adams, Rev. Msgr Roberto Alesna ug lain pang 42 ka mga obispo   nga gikan sa nagkalainlaing dapit sa nasud.

Ang tema sa kasaulogan ning tuiga – “At 75 the Archdiocese of Cebu: Growing Together in Grace as the Holy Body of Christ”.

Human sa maong mesa si Presidente Arroyo mibiya usab gikan sa Cathedral human makighimamat sa mga Sugboanon alang sa uban pa niyang mga gimbuhaton dinhi sa Sugbo. Karong buntag mobiya usab siya paingon ngadto sa Antique. - Lesley Caminade (BANAT NEWS)