Nanghinol og dalaga nadakpan

CEBU, Philippines - Midangop sa kapolisan sa syudad sa Talisay ang tulo ka dalaga human kini panghinola sa usa ka lalaki samtang nangaligo sila didto sa Aznar Beach Resort sa barangay Poblacion, syudad sa Talisay kagahapon.

Ang tulo ka dalaga kinsa pulos taga sitio Alaska, barangay Mambaling, dakbayan sa Sugbo miila sa nanghinol kanila nga si Ronward Cañeda, 26, ulitawo nga taga sitio Tiago, barangay Tabunoc, dakbayan sa Talisay.

Matud pa sa mga biktima nga samtang nalingaw kaayo silag pangaligo, namatngonan nilang may mihapoyhapoy sa ilang kalawasan unya dihang giapil na niini ang pribadong bahin sa ilang lawas gibati sila’g gilokgilok nga may pagkalami hinungdan nga mukuligsiw sila sa kakurat.

Nakadagan pa kuno pahilayo si Cañeda apan gigukod kini sa mga barangay tanod nga sila si Ryan Canque ug Genson Dsabal ug misikop kaniya.

Gipaabot sa kapolisan nga mokiha ang mga biktima.(Lesley Caminade) (BANAT NEWS)