600 ka Senior Citizen giapuran og P500

CEBU, Philippines - Mga Senior Citizen sa 3rd district giapuran og tag P500 ni Rep. Pablo John Garcia kagahapon sa lungsod sa Asturias.

Matud pa ni Garcia nga ang pagpanghatag kabahin sa iyang programa sa pagtabang sa mga konstituwente niini nga labing nanginahanglan.

Si Garcia nagkanayon nga dili lamang ang mga senior citizen sa lungsod sa Asturias ang iyang mahatagan sa maong kantidad kundili ang tibuok trisero distrito.

Kauban ni Garcia sa pagpang-apod ang iyang igsoon nga si Governor Gwendolyn Garcia, Vice Governor Gregorio Sanchez ug mga local nga mga opisyal sa lungsod sa Asturias.

Si Gov. Garcia sa iyang bahin nisaad usab nga motabang sa mga kahugpungonan sa kababayen-an ilabina sa mga senior citizens nga kababayen-an.

Gibana-banang moabot 600 ka senior citizens ang nahatagan og kwarta sa kongresista, wala hinuon masuta kun asa gikan ang maong salapi. - Chester Abadilla (BANAT NEWS)