CEBU, Philippines - Patay nang nahidangat sa tambalanan ang usa ka negosyante’g scraps human natagak sa traysikol dihang giatake sa sakit sa kasingkasing diha sa Minglanilla.
Si Redilito Araneta Plarisan, 37, molupyo sa barangay Tungkil nagmaniho sa traysikol aron mokuha sa iyang anak nga nagbantay sa tambalanan dihang nahitabo ang aksidente.
Matud pa ni PO2 Edsel Ricablanca sa Minglanilla police station sa dihang nahinabi sa Banat News usa ka nagpailang concerned citizen ang mipahibawong dunay usa ka lalaking nagbuy-od daplin sa karsada.
Apan samtang nagmaneho paingon sa maong klinika giatake kini sa sakit ug natagak samtang ang traysikol padayong midagan ug nahunong lang sa unahan human madasok sa koral sa usa ka panimalay. – BANAT NEWS