Industrial zone sa Talisay naaprobahan na

CEBU, Philippines - Giaprobahan na sa ikaduhang pagbasa sa konseho sa dakbayan sa Talisay ang usa ka ordinansa nga maghimong industrial zone sa usa ka 300 metros kuwadrados nga luna diha sa Cebu South Coastal Road (CSCR).

Si Konsehal Rodolfo Cabigas kinsa maoy nangamahan sa maong sugyot mibutyag nga kun mahimo na kining industrial zone, tataw kaayo nga makahatag kini og dugang kinitaan sa dakbayan.

Kini tungod kay dako og pagtuo si Cabigas nga daghang mga negosyante ang motarok og negosyo sa maong lugar.

Busa kun modaghan ang negosyo nagpasabot nga modaghan usab ang makatrabaho busa maghatag gayud og tino kaayong kauswagan sa dakbayan sa Talisay, matud pa ni Cabigas. - Brenda D. Batuto (BANAT NEWS)