Culmination sa UV Mandaue gihimo

CEBU, Philippines - Ang Culmination Program sa Saturday Tutorial Classes nga gipasiugdahan sa University of the Visayas-Mandaue ug World Vision Philippines alang sa mga kabus nga kabataan, gipahigayon niadtong miaging adlaw.

Ang mga migraduwar nga mga nagtungha sa elementarya sa barangay Guizo ug Mantuyong mao ang mga pinili nga kabus apan utokan nga mga bata

Ang dean sa University of the Visayas – Mandaue nga si Dr. Noeleen Borbajo kinsa sakop usab sa konseho sa dakbayan maoy nangulo sa programa.

Ang programa naglakip sa usa ka indigay uban sa mga ganti   ug mga pasidungog ngadto sa mga kabataan.

Nalakip sa mga subject nga gitudlo kanila sa Saturday Tutorial Classes mao ang English, Math, Art and Science ug uban pa.

Si Dr. Borbajo nga maoy chairman sa committee on education sa konseho sa dakbayan sa Mandaue mibutyag sa Banat News nga kining maong programa ilang ipatuman sa tanang barangay sa dakbayan sa Mandaue. – BANAT NEWS