Battle of Guila-Guila gihandom

CEBU, Philippines - Gidayeg ni Manlalaban Democrito Mendoza ang liderato ni Mayor Ritchie Wagas sa lungsod sa Compostela nga mao gayud ang nangunay paghandom sa Battle of Guila-Guila sa barangay Bagalnga.

Si Mendoza nga usa ka beterano sa ikaduhang gubat sa kalibotan miingon nga 66-ka tuig ang maong hitabo apan sa administrasyon ra ni Mayor Wagas gihatagan og dakong bili ang maong kalihokan.

Matud pa ni Mendoza nga angayan mahibaw-an sa katawhan sa lungsod sa Compostela ilabi na gayud sa mga batan-on kun unsa ka importante ang maong kalihokan. Gibutyag usab niya nga ang maong pagpamanhig sa mga girilya batok sa mga Hapon dako gayud kaayo nga kalamposan. Nagpangedaron pa lamang si Mendoza og 19 anyos sa dihang miuban siya sa pakigbatok sa mga Hapon.  - Pepe Sollano (BANAT NEWS)