Tanod ipa-drug test

CEBU, Philipines – Ipaubos unya sa anti-drug seminar ang tanang barangay tanod sa kabarangayan sa dakbayan sa Sugbu sa mosunod nga mga adlaw sumala pa ni Cebu City ABC president Eugenio “Jingjing” Faelnar isip kabahin sa kampanya niini batok sa ginadiling drugas.

Gusto ni Faelnar nga mamahimong drug-free ang matag pamilya sa kapin sa usa ka libo ka mga barangay tanod sa siyudad.

“Mokapin gud ni sa 1,600 ning atong mga tanod unya ibutang lang nato ug times three kay pamilya man, so, pila na man unya ang mamahimong drug-free,” sumala ni Faelnar.

Buot ni Faelnar nga ang mga tanod mao mismo ang motudlo sa mga sakop sa ilang pamilya sa dili maayong epekto sa ginadiling drugas. (Elly Bolonos) (BANAT NEWS)