CEBU, Philippines - Nagkinahanglan pa og dugang pagtuon ang tinguha ni Mayor Jonas Cortes nga pagpatuman sa truck ban sa mga dalan nga daghang mangaging mga sakyanan panahon sa “pick hour’ sa dakbayan sa Mandaue.
Kini ang gipadayag ni Konsehal Emiliano Rosal, chairman sa transportation and Communication sa konseho sa dakbayan sa Mandaue dihang nahinabi sa Banat News kagahapon.
Matud pa niya kinahanglan pang mapatuman ang dry-run pagsuta sa kahimtang sa dagan sa mga sakyanan sa mga dalan nga naepektohan kun kini ipatuman.
Ang traffic board sa TEAM nga gipangulohan ni Cortes isip chairman ang truck ban sa mga dalan Plaridel, A,C., Cortes Avenue, M.C. Briones. Hernan Cortes sa Subangdaku, Catalino C. Ouano ug mga dalan nga nagpaingon sa Marcelo Fernan Bridge ug 1st Mactan Mandaue Bridge. Ang sugyot nagtinguhang di pasudlan og mga trak ang nahisgutang mga dalan sugod alas 4 sa hapon hangtod sa alas 8 sa gabii.
Ang dry-run ipatuman sa Marso 9 ug matapos usab kini sa Marso 27 niining tuiga. (Romeo Limpangog) (BANAT NEWS)