Wa pay hold-departure order vs. Jastiva

CEBU, Philippines - Magpaabot pa ang Bureau of Immigration and Deportation-7 og kamandoan gikan sa korte una mosanong aron moisyu og hold-departure order batok kang Pastor Leonardo Jastiva nga makagawas sa nasud.

Si BID 7 Regional Director ug Alien control officer Casimero Madarang III sa pakighinabi sa Banat News nagkanayon nga wala pa sila makadawat og kamandoan gikan sa korte labot niini.

Sa pagkakaron mahimo pang makabiya sa nasud si Jastiva matud pang Madarang.

Samtang si BID Asst. Commisioner Romeo Junia mipasabot sa Banat News nga bisan wala pay “hold departure order” sa korte kung ang usa ka tawo dunay dakong posibilidad nga moikyas mahimo gihapon nila kining pugngan pinaagi sa pagpaubos kaniya sa "watchlist."

Apan kinahanglan ang City Prosecutors Office maoy angayang moaghat niini kanila.

Kahinumduman nga ang hepe sa Homicide Section sa Cebu City Police Office nga si Chief Insp. Mario Monilar naglaraw sa paghangyo sa korte nga moluwat og hold-departure order batok ni Jastiva gumikan sa kaso niini nga iyang giatubang dinhi sa Sugbu. (Darrel Carumba)   (BANAT NEWS)