Kalihukan sa Charter Day sugdan
CEBU, Philippines - Sugdan na karong adlawa ang mga kalihukan sa kagamhanan sa dakbayan sa Sugbu para sa ika-72 nga Charter Day Anniversary sa siyudad karong Pebrero 24.
Ang pagbukas niini adunay ipahigayong “fun run” nga manukad sa City Hall ngadto na sa South Road Properties (SRP) diin didto himoon ang family day.
Karong Lunes ablihan ug ipakita usab ang mga exhibit sa nagkadaiyang departamento sa City Hall hangtud na sa charter day.
Sa adlaw’ng Martes ilusad usab ang tulo ka adlaw nga Agro Fair diha sa Plaza Sugbu diin mapalit ang nagkadaiyang mga produkto sa bukirang mga barangay sa siyudad.
Samtang sa umaabot nga Biyernes ipahigayon usab ang awarding sa mga empleyado sa City Hall nga nakahimo og talagsaong panerbisyo ngadto sa publiko.
Sumad karong adlawa ilusad usab ang Hudyaka sa Barangay diha sa ABC ground sa SRP nga salmotan sa nagkadaiyang barangay sa dakbayan. - Elly Bolonos (BANAT NEWS)
- Latest
- Trending
