Presyo sa bugas mobahar

CEBU, Philippines - Gipasalig sa nasudnong Presidente sa Grains Retailers Confideration of the Philippines (GRECON) Teresita Alegado nga mobarato ra ang presyo sa bugas humay ug mais pipila ka adlaw gikan karon.

3 ka tulisan nadakpan

Tulo ka mga suspetsadong tulisan ang nadakpan human kini manulis ug manunggab sa gibiktima nilang pasahero didto sa barangay Duljo, Fatima ning dakbayan sa Sugbo sa miaging gabii.

Ang mga nagtingkagol na karon sa prisohan mao sila si Junrey Cosep, 21; Patrick Lumaban,22; ug Niño Tabuco, 20,ug ang usa ka kauban nila nga wala hiilhi ug wa madakpi.

Ang mga pasaherong napusilan mao sila Cyrie Marie Watin,22, nga taga Talisay City ug Jovanne Cabante, 30, taga sitio Chicago, Duljo.

Sumala sa kapolisan nga nagsakay ang mga biktima sa jeep pasaheroan paingon sa Pardo, dihang pag-abot nila sa Duljo kalit lang mideklarar nga tulis ang mga suspetsado.

Dihadiha uban sa gition nga mga kutsilyo, gipangayo nila ang mga salapi ug alahas sa mga pasahero uban ang mga cell phone niini.

Apan si Watin ug Cabante misuway og sukol sa mga tulisan hinungdan nga nadunggaban sila.

Ang nangambak ug nanagan nga mga tulisan misaka sa kabalayan diha sa Duljo ug dihang gigukod kini ni Cabante sulod sa gitagoang balay niini, didto usab siya hidunggabi.

Hinuon kini makaipsot gikan sa mga kamot sa mga barangay tanod sa maong lugar ug karon nagtingkagol na sila sa prisohan. - Lesley Caminade ug Orven Nayon (BANAT NEWS)