American angol sa bangga

Cebu - Naangol ang usa ka Amerikano human magkabangga ang motorskilo niini sa gikasugat nga de pasaheroang traysikol sa highway sa barangay Liloan lungsod sa Santander sa alas 8:00 sa buntag sa miaging adlaw.

Nalandig sa Santander Health Center mao ang langyaw nga drayber sa motorsiklo nga si Claire Clark, 61, kasamtangang nagpuyo sa barangay Canlumacad, Santander.

Ang gikabangga niini gimaneho sa usa ka Anito Bendanillo, 48, nagpuyo sa nahisgutang lugar.

 Matud ni PO2 Edgardo Pacana sa Santander Police dihang nahinabi sa Banat News ang langyaw gikan sa Dumaguete City misakay sa iyang motorsiklo balik sa ilang balay.

Pag-abot sa maong dapit nagkabangga ang duruha hinungdan sa pagkalamba sa maong langyaw ug nasamdan sa ulo, pangos sa bukton ug lawas.  - Darrel Carumba (BANAT NEWS)