NBI giawhag sa Hunta pagsusi sa LPG dealers

Cebu - Giawhag ni provincial board member Juan Bolo sa unang distrito ang mga sakop sa National Bureau of Investigation kon NBI-7 nga monitoron ang mga bodega sa LPG dealers sa probinsiya.

Si Bolo nagtuong kung dunay nahitabong ‘hoarding’ sa Manila dili usab imposibleng gihimo usab kini sa ubang mga dealers dinhi.

Kini tungod kay ubay-ubay na sa mga dealers og LPG didto sa Manila ang nasakpan nga nitago sa ilang produkto ngadto sa ilang bodega kansang tinguha mao ang pagpagawas nga nagnihit na ang supply ug aron mapatas-an nila ang presyo niini.

Si Bolo nagkanayon nga kinahanglang mabantayan ang kalihukan sa mga LPG dealers dinhi sa Sugbu tungod kay ang maapektohan niini mao ang mga konsumidor.

Giaghat usab ni Bolo ang Department of Trade and Industry kon DTI nga mohimo usab og lakang labot niining gikahadlokang pagnihit sa supply sa LPG dinhi sa Sugbu sa umaabot. - Chester Abadilla (BANAT NEWS)