'Most wanted' sa Talisay gidakop sa kapolisan

Cebu - Usa sa most wanted sa kapolisan sa dakbayan sa Talisay nga dunay kasong pagpanglugos nasikop kagahapon sa buntag sa sitio Camp 5, barangay Manipis.

Ang suspetsado mao si Mario Caballero, 48, residente sa nahisgutang lugar nadakpan sa grupo ni Chief Inspector Jovito Canlapan pinasikad sa warrant of arrest nga gipagawas ni RTC Branch 24 Judge Olegario Sarmiento.

Matud pa ni Canlapan sa Banat News ang suspetsado gipasanginlang miunay og lugos sa iyang 15-anyos nga pag-umangkon niadtong Enero sa milabay’ng tuig.

Si Caballero ang nagtuong nabasura na ang maong kaso tungod kay iyaha na kining gitubag diha sa korte.

Si Canlapan ang mibutyag nga si Caballero ang nahimutang sa ika-8 sa top ten most wanted sa dakbayan sa Talisay.

Si Caballero wala   tugoti nga makabutang og piyansa alang sa iyang temporaryong kagawasan.  - Brenda Batuto (BANAT NEWS)