Mini-Marijuana plantation sakpan

Cebu - Mosubra sa 50 ka punoan sa pinaugang marijuana samtang duha ka punoan niini nga hapit na motupong sa tawo gilarot sa mga sakop sa Pardo Police Station niadtong Sabado sa kaadlawon diha sa sitio Tore barangay Inayawan dakbayan sa Sugbu. Si PO3 Richard Tagadian sa Pardo Police Station nga gikahinabi sa Banat News nitug-an nga ang ilang miscellaneous team pinanguluhan sa ilang officer-in charge Insp. Ciriaco Fortuna maoy nangulo sa pagpanglarot.Matud pa niini nga nakadawat sila’g report gikan sa concerned citizen nga adunay mga pinaugang marijuana ingon man punoan niini diha daplin sa sapa sa nahisgutang lugar. Hinungdan nga ang miscellaneous team uban sa Barangay Intelligence Network (BIN) ang daling nisuhid sa maong dapit ug nakit-an ang maong tanom nga marijuana ingon man pinaugang punoan niini.Wala hinuoy nadakpang tawo sa maong operasyon. - Guam Logroño uban sa report ni Lesley Caminade (BANAT NEWS)