Gikan rambol gitusak og bala

Cebu - Natusak sa bala ang tiyan sa usa ka estambay human pusila diha sa dalan Leon Kilat St., ug Dimasalang sa barangay Pahina Central kagahapon sa kaadlawon. Ang biktima gidala sa Cebu City Medical Center giila sa kapulisan nga si Ernesto Enriquez, 30, way trabaho ug taga dalan Carlock sa barangay Duljo-Fatima ning dakbayan. Samtang ang gitumbok nga namusil sa biktima giingong tulo ka mga wala mailhing suspetsado kinsa dali usab kaayong nakasibat human sa krimen. Sa imbestigasyon nila ni SPO2 Rey Cuyos, nakakita’g rambol sa dalan Colon sa sayo pa ang grupo sa biktima ug nagdinaganay hangtud sa maong dapit diin kini gitabangan og kulata ug gipusil sa tiyan. Human sa pagpamusil daling nisibat ang mga suspetsado samtang ang biktima gidali usab sa pagdala sa CCMC sa mga nagpakabanang residenti. - Guam Logroño (BANAT NEWS)