Mama ni Kimberly pormal mireklamo

Cebu - Pormal nang miduso sa iyang formal complaint ang inahan ni Miss Cebu 2009 2nd runnerup Kimberly Therese Burden nga si Dr. Rowena Burden ngadto kang Cebu City Acting Vice Mayor Hilario Davide III kinsa mao usab ang acting chairman sa Cebu City Tourism Commission (CCFTC) nga maoy tigpasiugda sa Miss Cebu Beauty Pageant.

Sama sa gipaabot, gikwestyon ni   Burden ang resulta sa Globe Texters’ Choice Award tungod kay ang iyang anak maoy giingong tinuod nga midaog niini.

Apan ang mga organizer mihatag sa maong pasidungog ngadto kang Kris Tiffany Janson nga mao usab ang nakoronahan isip Miss Cebu 2009.

Dili madawat sa pamilyang Burden, mga higala ug tigpaluyo kang Kimberly ang pagpasabot sa mga organizer nga usa ka “honest mistake” ang nahitabo.

Gawas sa texters’ choice award gilakip na usab ni   Burden pagkwestyon ang paghatag kang Janson sa korona isip Miss Cebu 2009. Ang reklamante mipasangil nga si Janson wala moagi sa initial ug final screening sama sa gihimo sa ubang mga kandidata nga naglakip kang Kimberly.

Kini gihulagway ni   Burden nga usa ka special treatment ug dili makatarunganon ngadto sa ubang mga kandidata.

Lakip sa gikwestyon sa reklamante mao usab ang pagpili sa Board of Judges nga giingong dili usab makiangayon sa ubang nangapil sa pageant.

Si Katrina Holigores giingon ni   Burden nga mao ang labaw sa Bigfoot FTV sa dihang si Janson nidaug sa Bigfoot’s FTV Model Search.

Samtang si Tweetie de Leon-Gonzales giingong usa usab sa mga “mentor” sa Cebuano FTV modeling school.

Gitataw hinoon ni Doctor Burden nga wala siya'y pagduda sa duha apan tungod sa giingong koneksyon niini kang Janson, kini gilikayan unta sa mga organizers.

Gikwestyon usab ni Burden ang papel ni Bruce Bollozos tungod kay kini giingong yano lang nga marketing consultant sa CCTC.

Apan namatikdan sa reklamante ug sa ubang kandidata sa Miss Cebu 2009 nga si Bullozos nasusama na ug maoy labaw sa CCTC.

Kamatuoran niini miingon si   Burden nga si Bullozos maoy nanubag sa nitumaw nga kontrobersiya sa habig sa CCTC.

Gawas niini, nagkanayon si Burden nga si Bullozos nag-apil-apil usab sa screening panel ug layo ra sa trabaho niini alang sa live TV broadcast.

Nagduda usab ang reklamante sa kamatinud-anon o sa ka-seryoso ni acting Mayor Michael Rama pagpa-imbestigar niini sa kontrobersiya.

Gipadayag hinuon ni Burden ang iyang pagsalig sa komitiba nga giumol ni Davide nga maoy gitahasan pagpahigayon og fact-finding inquiry.

Ang komitiba gipanguluhan ni Konsehal Gerardo Carillo uban sa mga sakop niini nga sila si Attorney Jose Mari Poblete ug Orlando Secretario.

Gitataw ni Burden nga irrevocable ang resignation sa iyang anak isip 2nd runner-up ug ang ilang gipangayo karon mao ang hustisya.

Si Dexter Alazas, ang handler ni Janson, sa iyang bahin nagkanayon nga adunay ebidensiya nga miapil ang iyang kandidata sa screening nga gipahigayon sa CCTC, sukwahi sa gipadayag sa inahang Burden.

“The moment they plan to file a complaint, the evidences were already there. There is an un-edited video on the screening at 1:00 o’clock where Kris was present as well as Rizzini (Gomez) and they could check that video at the CCTC office because its open to public,” si Alazas nagkanayon.

Gihimakak ni Alazas nga walay nahitabong special screening, sukwahi sa reklamo sa doktora.

“With regards to my presence during the press launch, I was there not as a handler of Kris but I was there because I brought along with me my talent, Miss Cebu 2008 runner-up, Jam Libatog who just arrived from Manila fresh from her stint in the Mutya ng Pilipinas, of course she is one of Cebu’s pride,” sumala pa ni Alazas.

“I joined during the casual interview as one of the interviewees because I’m from the media, I’m a writer of The Freeman Newspaper in the Lifestyle Section and you can tag Madame Mayenne Tan for that matter,” pasabot pa ni Alazas.

Si Alazas miingon nga si Holigores nag-judge sa Best Designer ug Best in Gown Awards lang. – BANAT NEWS