Cebu - Usa ka lalaki nga sakop sa Alimaong (usa ka indigenous group) nagtingkagol sa Talisay City detention cell human kini masakmiti og duha ka hunting knife sa mga polis sa dakbayan sa Talisay kinsa mipahigayon og checkpoint diha sa sitio Mananga, barangay Tabunok, dakbayan sa Talisay.
Ang suspetsado giila sa mga polis nga si Marcelo Malalag, residente sa nahisgutang barangay nasakmitan nila ni PO3 Rico Emperwa, PO1 Reynante Sumaljag ug PO1 Ador Bacalso og duha ka hunting knife nga parehong dunay gitas-on nga pito ka pulgada.
Si Malalag ang nagsakay og motorsiklo nga kolor puwa dihang gipahunong sa mga polis sa checkpoint ug diha na nabantayan ang nagbagal sa hawak niini ug dihang gisusi duha kini ka hunting knife.
Kahinumduman nga sa sunod-sunod nga checkpoint sa kapolisan sa Talisay ug sa mga sakop sa Talisay City Intelligence Branch (TCIB) nga miresulta sa pagka-impound sa walay mga dokumentong motorsiklo ug pagkasikop sa mga gikatahapang mga tulisan nga nagdala og mga armas. - Brenda Batuto (BANAT NEWS)