Cebu - Giaprubahan sa konseho sa lungsod sa Liloan ang gipalabang nga ordinansa nga mangita og kasaligan ug ingon man pundo aron isuporta sa college education sa pipila ka mga wala mahatagi og prebilihiyong tinun-an nga makatungha sa kolehiyo.
Si Mayor Vincent Frasco nagkanayon daghan ang wala makatungha sa kolehiyo tungod sa kamahal niini karon bisan paman gigarantiya na kini sa Philippine Constitution.
Ubos sa maong ordinansa, dunay mga pamaagi nga ang mga tinun-ang gikan sa kabus nga pamilya apan utokan ug lumad nga taga Liloan mahimong makapahimulos sa P1 milyon nga scholarship program gikan sa annual collegiate educational trust fund.
Ang pagpili og mga scholars kinahanglan makapasar sa evaluation sa Mayor ug ingon man ang committee on education and finance, and the local school boards.
Kadtong mga valedictorians dunay garantiya nga P20 mil matag semester sa kolehiyo ubos usab sa rekomendasyon sa Munisipyo ug laing P2 mil nga book allowance matag semester, mao usab ang sa salutatorians hatagan usab og P15 mil nga financial assistance ug P1,000-book allowance matag semester.
“Those with honors will be granted P10,000-financial assistance and may take qualifying exams for ranking for twenty available slots,” dugang pa sa mayor.
Giawhag sa mayor si kinsa kadtong interesadong mo-apply sa maong scholarship program kinahanglan mosumiter lang sa mga gikinahanglang rekisitos sama sa Report card,; letter request para sa scholarship ngadto sa mayor; certification gikan sa barangay captain nga ang aplikante residente sa iyang lugar ug ang annual income sa pamilya ubos sa P60,000 ug maayo ang ilang kinaiya.
Laing gikinahanglan mao ang certification sa school seal, gikan sa principal diin ang maong aplikante usa ka honor student ug usa sa nalakip sa top 10 sa mga graduating class.
Gawas sa pagmentinar og grado nga ilang gipangayo ang mga scholars gikinahanglan moserbisyo usab atol sa summer breaks sa bisan asang departamento sa munisipyo. - Rey Pasaporte (BANAT NEWS)