Libanan miyaka sa BI teller

Cebu - Gipangunayan ni BID Commissioner Marcelino Libanan ang pagtagad sa mga langyaw pinaagi sa paglingkod sa BI teller sa arrival section sa MCIAA kagahapon sa udto.

Matud pa ni Comm. Libanan atol sa usa ka press conference, ang paglingkod sa teller sa BID arrival section sa MCIA maoy usa sa iyang mga lakang sa pagsusi kung unsa na ka hightech ang ilang mga kagamitan sa pagsil-ing sa mga langyaw nga miabot dinhi sa Sugbu ug pagpaniid sa angayan pa nilang palapdan nga mga kakulangan sa ilang mga kahimanan sulod sa maong tugpahanan.

Gituyo usab niya ang paglingkod sa teller aron mahimamat niyang personal ang mga langyaw nga mibisita sa Sugbu aron pagsaksi sa Sinulog 2009. – BANAT NEWS