Liboan apil sa Walk for Mary

CEBU - Liboan ka mga debotos ni Senyor Santo Niño ug sa Birhen sa Guadalupe ang mikuyog sa gipahigayong prosisyon sa pagtagbo sa nahisgutang duha ka imahen kagahapon sa kaadlawon diha sa Fuente Rotonda niining dakbayan.

Ang maong mga imahen gihatod sa mga debotos diha sa Basilica del Santo Niño diin gipahigayon ang usa ka Santos nga Misa ug gisundan sa motorkada paingon sa simbahan ni San Jose sa barangay Centro.

Si Padre Rodolfo Bugna, rector sa Basilica del Santo Nino sa pakighinabi niini sa Banat News nagkanayon nga makita nga walay duda ug buhi ang pagtuo sa mga Sugboanon.

Matud niini nga gibanabanang mokabat ngadto sa 25,000 ka mga debotos ang mikuyog sa prosisyon gikan sa nagkalainlaing lugar ug sobra sa 40 ka mga pari ang mikuyog usab sa prosisyon kagahapon.

Lakip sa miduyog mao ang mga turista nga nanguha pa og video footages ug litrato nga alang kang Bugna wala makasinati ug makakita sa relihiyosong debosyon sa mga Sugbuanon.

Ang maong kalihokan sa pagtagbo sa Balaang Pamilya ang nasugdan na niadto pang dekada 80 ug matag-tuig na kining ipahigayon atol sa pista ni Santo Niño.

“Daghang salamat sa gasa sa pagtuo, kini siya mapakita sa tibuok kalibutan ug ang pagtuo dili lang unta ipakita diha sa simbahan atong dad-on ngadto sa pamilya, trabahoan ug society at large”, ni Bugna pa.

Si Padre Bugna midugang nga ang selebrasyon dinhi sa Sugbo ang matawag nga sumpay sa selebrasyon ngadto sa Kalibo, Aklan nga gitawag og Ati-atihan Festival usa ka   sayaw nga halad kang Santo Niño ug gisaulog niadtong Enero 11 ug sa Dinagyang Festival sa Iloilo nga saulogon karong Enero 25 nga usa usab ka sayaw nga halad alang gihapon sa batang Hesus ug dinhi sa Sugbo mao ang Sinulog Fesitval.

Apan ang maong mga festival ang dili lang idungan tungod kay usa sa tumong niini ang pagdani sa mga turista nga makabalhin-balhi         (BANAT NEWS)